** إليكم هذه المفاجأة :
- أعلنت منظمة الصحة العالمية WHO رسميًا ، إن اللحوم المصنعة زى اللانشون والبرجر والسجق من مسببات السرطان والكلام دا منشور رسمي من سنة 2015 ، والكلام ده توصلوا ليه بعد اجتماع لجنة كبيرة من العلماء ، تم اختيارهم من 10 دول مختلفة.
- ولما العلماء بحثوا عن طريقة تصنيع اللانشون وجدوا إنه بيتصنع من مخلفات اللحوم المفرومة مع الجلد والعظم والأحشاء
- وبعدين يضيفوا عليه مادة اسمها أملاح نيترايت أو نترات الصوديوم علشان تعطيه اللون الوردى الزاهى وكمادة حافظة وكل أما يحبوا يطولوا فترة الصلاحية يكتروا من المادة دى اللى بتتحول فى الجسم لمادة مسرطنة اسمها نيتروزامين وكمان بتدمر خلايا البنكرياس.
- المادة التانية اللى بيضيفوها على اللانشون اسمها أحادى جلوتاميت الصوديوم اللى بتعطي النكهة الحلوة ودي بتسبب العصبية واضطرابات المزاج ، والسمنة والزهايمر.
دول مادتين من ضمن مواد كتير تانية بتنضاف على اللانشون زى الالون الصناعية ومكسبات الطعم والرائحة وبعض الأملاح والبهارات اللى ليها مشاكل صحية كتيرة.
علشان كده تقرير منظمة الصحة العالمية قال:
- إن تناول 50 غرام من اللحوم المصنعة يوميا (يعني أقل من شريحتين لانشون) بيزود خطر الإصابة بسرطان القولون والسمنة والسكر، وأمراض القلب وارتفاع ضغط الدم بنسبة 20%
- فإذا كان الطعم بيجذبنا ، لازم نعرف إن الطعم لوحده مش كل حاجة فى ظل انتشار أمراض كثيرة عمرنا ما سمعنا عنها قبل كده.

والخلاصة : بلاش نشتري لانشون جاهز لكن ممكن نعمل لانشون بيتي.