رياضه
مرتضى منصور: '23 يوم ومحدش لاقى غلطة.. وخلال أسبوع تنتهى الأزمة'
قال المستشار مرتضى منصور، رئيس نادى الزمالك، إن الأزمة اقتربت من الانتهاء، مشيراً إلى أنه منذ 23 يوماً تعمل 5 لجان داخل نادى الزمالك، مردفاً:"دا بيتى اللى أنا اتربيت فيه، أنا 10 سنين فى النيابة، وقرارهم عكس اللى الوزير عمله، هو قراره يدير مالى، أى المدير المالى يتكل على الله وهو ياخذ التوصيات من مجلس الإدارة".
وتابع مرتضى، خلال مداخلة هاتفية لبرنامج "صح النوم"، على فضائية "ltc"، مع الإعلامى محمد الغيطى، :"لما يقعد 23 يوم، وعندى لجان ووزير الشباب يبعتلى لجان، ومديرية الشباب والرياضة تبعتلى لجان، أنا نادى بقى دلوقتى كله لجان، بقالك 23 يوم مش لاقى غلطة واحدة أنا بعتبر دا وسام".
وأردف:"السيراميك والحديد والأسمنت والألوميتال اللى جايين النادى، دول بحوالى 100 مليون جنيه، دى أتعاب مرتضى منصور، دا غير اللى عمل بوابات النادى، ودول أنا محاميهم، وكلهم أهلاوية".
واستطرد مرتضى منصور:" اللى مفيش على راسه بطحة ما بيخافش من حاجة، فيه لجنة واتنين وعشرة"، مردفاً: "خلال أسبوع ستنتهى الأزمة ويرجع نادى الزمالك لمجلسه وجمعيته العمومية".
