الأدب
.....*****..{{ قصيدة زمن التقشف }} ..*****.....
طمع الواد ف أبوه
اتجنن طلب فرخة
ولما عرفت بكام
صرخت ميت صرخة
قررت اطرده م البيت
لو تاني كررها
مالو الفول ابو زيت
دا حتي الفراخ دايخة
***
ايه يعني لما نعيش
سنتين ف تقشف
وسنتين يجيبوا سنتين
بكرة الزمان يعطف
نحوش لنا قرشين
ساعتها راح احلف
لجيب اللحمة طازة
اعبيها ف مقطف
واوزع لكل الغلابة
دول مني واتشرف
***
وانت يا سعادة البيه
اتهنى فيها وعيش
هيص وخد قرارات
بوعودك ماتوفيش
فيها ايه لما نجوع
او نلبس لكم الخيش
انتم هنا الاسياد
واحنا نروح مانجيش
*******
خلاص انا بوعدك
وراضي بسكوتي
هاخرس ولا اتكلمش
ملعون ابوه صوتي
لافراخ هاتهمنى
ولاحتى كمان موتي
اشبع وهيص ياعم
أتغذى ع قوتي
********************
تحياتي
حامد عبد السميع
