مواطن مربي حمار
صحى لقى الحمار ميت
أخذه ع الدكتور البيطري
عشان يعرف سبب الوفاه
تفاجأ من قول الدكتور
ان الحمار مات بالجلطة ..
لف المواطن وجهه للحمار
ومسك رأسه وأخذ يكلمه
بتعجب وحرقه واستغراب !!!
جاتلك جلطة ليه ؟
قصرت معاك في البرسيم ؟
خريج هندسة ومش ﻻقي شغل ؟
خريج تجارة انجليزي وواقف في سوق الخضار ؟
خريج أداب وبتسوق تاكسي ؟
خريج حقوق وبتشتغل سمسار ؟
خريج زراعة وجالك تعيين في الطرق والكباري ؟
جمعت كل اللي تملكه وأعطيته لإبنك علشان يسافر أوروبا وغرق على شواطئ اليونان ؟
مديون ومش عارف تسدد ديونك ؟
بتستنى دورك في التعيين بقالك 10 سنين ؟
حبيبتك عايزه تتجوز ومش قادر تخطبها ؟
رحت ترخص المرسيدس ولقيت عليها مخالفات رغم إنك جايبها زيرو ؟
مش قادر تشتري ملابس لأولادك ؟
مش لاقي شقه ؟
قوللي ... جالك جلطه ليه؟
واخذ قرض ومتورط بالسداد
جتلك فاتورة كهربا وما قدرتش تسدد ففصلوا عنك الكهربا ؟ الدنيا ملخبطه حواليك ومخك بطل يجمع من كثر القوانين الجائرة
رفع الأسعار مش عاجبك
شاعر إن فيه ثروات في البلد .. ومش مستفيد منها
جالك جلطه ليه .. طلعت على المعاش ومعاشك مش مكفي مصاريف بيتك وأولادك?
جالك فشل كلوي من المياه الملوثة ورحت تغسل قالولك ما فيش مكان إنتظر لما حد يموت وأدخل مكانه
بتتفرج على أحمد موسى ؟
مرتضى منصور معاه سي دى لحضرتك ؟
شوفت حاجه لعزمي مجاهد ؟
تامر بسيوني إستضافك في برنامج له ؟
ممكن أعرف جاتلك جلطة ليه ؟
الدولار هتك عرض الجنيه بتاعك ؟
نفسك في السمك والكيلو وصل 50 جنيه ؟
روحت تشتري لحمة لقيت الكيلو ب 130جنيه ؟
جيت تشتري أرز ولقيت الكيلو ب 11جنيه ؟
روحت تجيب التموين وقالولك مفيش إلا جبنه دومتي ؟
ممكن اعرف جالك جلطه ليه !!!
جالك فاتورة غاز ب 150 جنيه ؟
جالك فاتورة مياه ب 200 جنيه ؟
مركب خط نت ب 140 جنيه والنت ما بيجيش ... وضعيف
نفسك في التين ومش قادر تشتريه ؟المشمش نزل السوق وخلص وانت ما سمعتش عنه ؟
ممكن أعرف جالك جلطه ليه !!!
حماتك معكننه عليك
إخواتك مش بيزوروك !!!
واحده كنت بتحبها وعملتلك بلوك ع الفيس ؟
تعليمكم تافه ؟
ممكن أعرف جالك جلطه ليه ؟
شعبكم جاهل ؟
ممكن أعرف جالك جلطه ليه ؟
عايز تقولي إنك بتحس عننا ؟
روح الله يسامحك .......
#كلام في الصميم#
ماجده الروبي.....