بتسأل زى ناس كتير هوا ايه اللى حصل و اللى بيحصل وأيه اللى خلى مصر فجأه  تتعاقد على صفقات أسلحه حديثه ولهما مميزات ومهام خاصه

تعالى معايا نفكر سوا وبصوت مسموع  ونشوف كنا فين وبقينا ايه يمكن غيرنا يسمع ويعرف أيه السبب فى صفقات التسليح دى اللى المغيبين بيقولوا كان جابلنا بيها زيت وسكر افضل يعنى هما هيحاربوا بيها مين

الحكايه اهيه ادامك ومن اولها

من اول تولي  السيسي ورجالته المجلس العسكري كان ادامهم هدف واحد ازاي نطور جيشنا ونرفع قدرته بعد فترة توقف دامت 30 سنة .

لما جم يشوفوا القوات البحرية لقوها متأخرة اوى وقديمة

وكل اعتمادها علي المعونة الامريكية زي سفينة بيري كلاس مستعملة او نوكس وهكذا .

طيب والعمل ؟

تركيا حاطة ايديها علي البحر المتوسط وثرواته كلها وبتقول محدش هيقرب .. ولا مصر ولا يونان ولا قبرص وحاطة حقوق الدول التلاتة في كرشها وقافلة عليه..

ايوه بقى ما هيا عندها 17 غواصة وقوات بحرية حديثة .. ففردة عضلاتها وعايشة في دور بلطجي البحار .

البحر الاحمر كمان ايران عايزة تلعب في باب المندب وكل يومين تنط بسفينة تعمل حركتين وتجري .. وظهرت بعض الدول الي شايفة نفسها اليومين دول عايزين يسيطروا علي البحر الاحمر ما هيا بقيت سايبه .

طيب واحنا هنقف نتفرج .. ركز معايا

بعني مش هنعرف نطلع غازنا وثرواتنا ومش هنعرف نأمن الملاحة في قناة السويس ونسيطر علي البحر الاحمر ولا ايه .

روحنا اتعاقدنا علي اقوي فرقاطة في العالم الفريم .. النسخة المعروفة بأسم سفاحة الغواصات .. بعدها جيبنا اربع كورفيتات جويند النسخة المصغرة من الفريم ..و اقنعنا المانيا بصفقة غواصات التايب ومشيت الصفقة واستلمنا منهم غواصة .. جيبنا لانشين صواريخ شبحية اضافية من امريكا الي اسمها الامباسادور .. خدنا من روسيا لانش رهيب اسمه مولينيا بيضرب صاروخ اسمه موسكيت بيطير بسرعة اربع اضعاف سرعة الصوت .. محدش بيعرف يتعامل معاه ووزن راسه 300 كجم يعني يدخل في اي فرقاطة يشقها نصين .. طيب نسكت علي كده طبعا لأ

نزلنا بالتقيلة روحنا جيبنا اكبر قطعتان في الشرق الاوسط كله الميسترال وسمناهم ناصر والسادات

ودي سفن حاملة مروحيات ودبابات و مدرعات ودفاعات جوية و 900 جندي وفيها مستشفي 75 سرير واربع غرف عمليات ومركز للقيادة و السيطرة .. يعني جيش كامل ماشي في قلب البحر .. وروحنا عاملين مناقصات علي تجهيزاتهم بأقوي مواصفات موجودة في العالم .

نسكت بقي لااا طبعا أمال ايه الحكايه عرفنى

روحنا عملنا اسطولين واحد يمسك البحر الابيض و التاني البحر الاحمر والي عايز يجرب يقرب .. وبعدها روحنا للصين عملنا شوية صفقات بحرية في الجون هتقلب الدنيا كلها و الموازين .. مدمرات .. غواصاات .. لانشات صواريخ

وفي سرية تامة .. وكلمنا فرنسا و ايطاليا و المانيا علي صفقاات تانية وروحنا لامريكا عشان نطور الكورفيتات و الفرقاطات بتاعتتا ووفقت طبعا وهيكون تطوير محترم

الرجالة بتوعنا قالوا مفيش قوات بحرية محترمة ولها اساطيل ويكون ملهاش قوات جوية للدعم والاسناد

اتعاقدنا علي الميج 35 وخلينا جزء منها لدعم الاساطيل و مساعدتها في صد اي خطر .. وخدت التمويه البحري .. وزودنا اعداد مروحيات سي سبرايت الي بتكافح الغواصات وجيبنا سبعة مروحيات اضافية و بنتفاوض مع فرنسا علي سفاحة الغواصات المروحية nh90 وكمان هنجيب مروحيات بحرية اخر الشهر ده عشان كنا عاملين مناقصة وهنعلن اختيارنا اخر الشهر ده ومرجح انها تكون الكاموف 52 كاتران ودي مش مروحية اقسم بالله دي مواصفاتها مواصفات مقاتلة

وطبعا مننساش التدريبات .. روحنا ادربنا مع فرنسا مع اليونان مع امريكا مع حلف الناتو مع ايطاليا مع الهند مع انجلترا مع الدول العربية ..عشان نوصل لاعلي كفاءة طبعا

وكمان قبل ما أنسى الغواصات الكرواتية الي اسمها داركون .. دي غواصات صغيرة محدش يكتشفها وبتعمل شغل حلو اوى اتعاقدنا علي خمسة .

والي حصل ده بداية مش اكتر دى حلقه من الخطط الخمسيه

طبعا كل خطة خمسية من دول فيها الي يغير الوضع القائم ويقلب موازين القوة لصالحنا .. واحنا فعلا بدأنا نفرد عضلاتنا .. ونازلين اكتشافات غاز في البحر الابيض وكمان هنبدأ نصدر ونكسب في السنة دي وفي البحر الاحمر قفلناها ضبة ومفتاح من باب المندب تحت لغاية قناة السويس من فوق .

اقسم بالله المصري ده جبروت لو حد جيه عليه و مقدروش