الأدب
اسمع معاليك
عينك مبقتش بتوحشنى
ولا هسأل فيك
وفر نظراتك لعنيها
يمكن ترضيك
ماهو عادى اكمل
ايه يعنى
من غير معاليك
حبك كان وهم وحسيته
ورضيت بالهم وحبيته
ضيعنى معاه يخربيته
غضبانه عليك
ملعونه مشاعرى القلابه
تعشق وتقولى دى كدابه
علشان بتأمن لديابه
تخدع وتخون
ولا يوم بتصون
طب قولى ازاى كده حبيتها
ونسيت الدنيا ولا نسيتها
طبعاده اكيد من حلاوتها
معذورة عينك لما شافتها
اتطرفت فقدت جودتها
الف سلامه ياحبيبها عليك
هتعيش وياها كما الاعمى
خايف مكسوف
وحياتك تصبح بلامعنى
وتموت م الخوف
لتخون تانى ماهو ده العادى
وانت اللى رضيت
هتقولى ازاى ده كلام فاضى
ماانت اللى بديت
انت اللى بديتها بغشوميه
ورضيت بحكايه وهميه
وان كان ع الحب انا مش هى
عشان ارضى احب حبيبى عليك
ركز صحصح شوف مين قبليك
عشقت علشانه الحريه افهم معاليك
كلمات
نورالجنه درويش
