الأدب

إلى حفيدتى

كتب في : الخميس 05 يناير 2017 - 7:29 صباحاً بقلم : الشاعر/ إبراهيم رضوان

الديك..وصل ماسك شمعه..

علشان ينادي عاي ال ،،ديكه ،،

عيد الميلاد..يوم الجمعه..

يا حبيبتي..يا أحلي مليكه

،، ،، ،، ،، ،، ،، ،،

يا منوره بيتنا بصوتك..

يحميكي رب الكون لينا

زارعه في كل مكان توتك..

و مسهله الرحله علينا

،، ،، ،، ،، ،، ،، ،،

يا مليكه..جيتي و خليتي..

لون الحياه يصبح أخضر

الله علي الخير الٱتي..

وياكي يا ريحة العنبر

،، ،، ،، ،، ،، ،، ،،

متربعه علي عرش الكون..

و مسمعه الوجدان ألحان

ٱه يا ملاك ع الكل حنون..

إسمك خلاص أصبح عنوان

،، ،، ،، ،، ،، ،، ،،

النسمه فوق خدك ٱيه..

و الضحكه بتهز سمانا

أعطيكي كل اللي معايا..

يا مليكه..و تغني معانا

بداية الصفحة