توك شو
أنغام تكشف سر خوفها بعد تنبؤات قراءة الفنجان وعمرو أديب يحرجها مع أصالة (فيديو)
قالت الفنانة أنغام: "جربت قراءة الفنجان وبتصدف أحيانًا بس مخيفة، اللي يخوف منها المستقبل، واللي قرأ لي الفنجان ست".
قراءة الفنجان
وأضافت خلال لقائها ببرنامج "بيج تايم بودكاست" الذي يقدمه عمرو أديب وأصالة بقناة "إم بي سي": "قراءة الفنجان اتقال لي من خلال الماضي والحاضر والمستقبل، وكنت خايفة لما اتحكى لي المستقبل".
قصة أصالة مع قراءة الفنجان
من جانبها قالت الفنانة أصالة: "أنا بقرأ الفنجان بس لأمي أو أختي وبحب أتفلسف بس ومرات أختي تقشعر وتعيط، وبيجي على بالي أقرأ الفنجان وبحب أشوف اللي ممكن يحصل بس كله حكي فاضي ومش صدق".
ولفتت أنغام: "بمثل في الأغاني والكليبات لكن فكرة التمثيل مش موجودة أوي، ومفيش الكتابة اللي تشجعني، ومش بعرف أقول لسيناريست اكتب لي فيلم لإن السكة دي مش بتاعتي وأنا مش نبيلة عبيد أنا محتاجة حد يشوفني ويقول لي أنا شايفك في العمل ده ولايق عليكِ، ومش هدخل التمثيل إلا لو فيه نص كويس وحد شافني فيه".
موقف محرج لأنغام وأصالة
وبسؤال عمرو أديب: "لو جمعك بأصالة مسرحية غنائية مع أصالة، من يكتب اسمه الأول؟"، علقت الفنانة في وجود أصالة: "احنا بس نظهر على المسرح مش محتاجين يتكتب أسامي أصلًا"، لتعقب أصالة: "هنظبطها مع بعض".
