منوعات
باسم يوسف: أبو تريكة اشجع مني.. وبيدفع تمن قعاده في البلد
أكد باسم يوسف، إن محمد أبو تريكة لاعب الأهلي والمتنتخب المصري السابق، مازال يدفع ثمن بقائه داخل مصر. بعد إصدار الحكم بالتحقيق بتهمة الانضمام إلى جماعة محظورة.
وقال يوسف على صفحته الرسمية على موقع التواصل الاجتماعي «فيسبوك» :«ردا على سؤال في آخر لقاء تليفزيوني "ليه ما قعدتش في البلد دي زي أبو تريكة؟" قلت إني بأحييه على شجاعته بس أنا ما أقدرش أخاطر وأعرض أهلي للخطر.. ناس زايدت وقالت إن أنا ببالغ وبهوّل».
وتابع الإعلامي الساخر «أبو تريكة بيدفع تمن قعاده في البلد.. النهاردة اتحول للنيابة بتهمة تمويل جماعةإرهابية.. تهمة جاهزة ومحفوظة.. أبو تريكة ما عملش حاجة غير أنه كان بيفرحنا كل مرة بيلمس فيها الكورة.. وبرة الملعب وموقفه بعد مذبحة بورسعيد كان أكتر من محترم.. ربنا يكون في عونه ويخفف عليه هو وكل اللي متاخدين ظلم.. بالنسبة للتعليقات بقى بتاعة أنه راجل وأنت جبان وهربت وكده.. لو أنت مش قاعد بتكتب التعليق ده من جوه زنزانة في سجن العقرب يبقى يا ريت تخلي شجاعتك المزعومة دي لنفسك».
