الأدب
الحبل ساب ! (نص بالعامية المصرية)
سَلخ سلخ سلخ
هَسلُخَك بإيدي سَلخ
زي خروف في مَطلَع عيد قالولُه بِخ
بِخ بِخ بِخ
للسكينَة نِخ نِخ
الدم سال وصوتُه بِح بِح
لسانك فين ياللي اخترت جديد الدَّح
أصل الدَّح ريحتُه فايِح
والحبل ساب واتنشرت عليه فضايِح
وحلوة اللعبة وعجباني
يا شايب يا صغيَّر يا مِعجباني
والعيب غَطَّاك والفَرْح كَساني
إوعى تكون فاكر بعادَك أعياني
والله قلة أصلَك مفاجآني
راسك في الأرض هتشاهِد تاني
مِش على روحك على روحي
سبحانُه نَجَّاني
من شرّك عافاني
وقدرت أحُطَّك ع القِبلة
وعلى روحك يتشاهدوا حبايبك تاني
وقالوا كيدهن عظيم خاف يا شرَّاني
عَشِّشِت الضلمة في جدورك
والسوس نَخَر عضمك
ولسَّه قال بِتهِز ف طولَك
فرحان بخيبتك وجمال عُودَك
مِسِيرَك للتُربَة وياكلَك دُودَك
أنا دُنيتي راسمالي معايا
ورغم خَلَفت وعودَك
أنا أصلي ثابت شجر بِيفَرَّع
اسقيه ما أنا تعودت أزرع
أما انت خشبك مِخَوَّخ
فاضي والريح جُوَّاه بتصرُخ
ونخلك ما لُه طرح
وداع باي باي يا فَرح
ومهما كَلِّفت وصَرَفت العُود شايِخ
والله صعبت عليَّ شكلك بَقى بايِخ
أقولك أحسنلك نِخ نِخ نِخ
