الأدب
بنت ملك الجان
بنت ملك الجان
-----------
انا الجنية
بنت ملك الجان
أميرة بحر وأطلع لك
من المصباح .. وم الدخان
بقيت مكتوبي في كتابي
وأعلن ماقدرت عليك
لقيتني أنا تهت في بحورك
وسحر عنيك
بقيت كلي ملك إديك
وأستناك تناديني
أقول شبيك
وبيك إخترت اهزم
حروف بوحي
ومن خوفي
أرسم لك ف حب جديد
وأفرد ليك أنا كفوفي
تقرب حلم كان وبعيد
طويت أحزاني وجروحي
بقيت فارس سكن روحي
وأنا العاشقة وبخاف م البوح
وكل همسة من حبك ترد الروح
ونفسي أعيش في وجدانك
وأحس التوهة في احضانك
واطمن قلبي دا الملهوف
واشوف كونك وروحي تشوف
ومش ناكرة
بحبك مووووت
واحبك كل صمت سكوت
ورافضة عتاب وفيه فرقة
يابدر منور في أحلامي
وأيامي
ياشوق يكويني في تكويني
بقيت خايفة
تكون قصة لأوهامي
وخايفة عليك كمان م الشوق
تقرب حبة منه تدوق
تطوف في سمايا تفضل فوق
وأسقيك كأس الحنين مرات
تلاقي فيه كتير وصفات
وتكتب منه كتير أشعار
دواوينك حنين وآهات
تكون مليانة م الحكايات
----------
منى الفؤاد
