إهتم دايماً ببنتك وإمدحها وحسسها بالأمان والحب .

في حاجات كتيرة لازم يعملها الأب لو عنده بنت .. اتفرجوا على الصور واعرفوا الحاجات دي وقولنا إيه الحاجة اللي بتعملها لبنتك ؟

1 – حبّها
حبّها بجد، واملأ قلبها وعقلها، ولما تقابل مشكلة أو موقف أكبر منها تكون أنت دايماً أول اختيارتها بقلبها وليس بدافع الخوف منك.

2– اتصل بيها مخصوص
مهما كنت مشغول، اتصل بيها ولو دقيقة واحدة في اليوم، بيها مخصوص واسألها عن يومها وأصحابها ومبسوطة ولا لأ، وحسسها بحنيتك واهتمامك.

3 -  كن بجانبها دائماً
في كل لحظات حياتها وحسسها بجمالها وقولها أد إيه هي جميلة وإنك هتفضل سندها.

4 – قوّيها
دايما قول لها إنك في ضهرها، وموجود معاها طول الوقت مهما حصل، وإنها لازم تتعلم كل حاجة لتحقيق ذاتها ويكون ليها شخصية واديها الثقة في نفسها، وحملها مسؤولية ولو بسيطة، وعرفها أخطاءها واكشف لها نقاط القوة في شخصيتها.

5 – احترم خصوصيتها
من وهي طفلة خبّط على باب أوضتها قبل ما تدخل، اديها إحساس إنها مصونة وحسسها دايماً بثقتك فيها.

6 – احترس مما تمرره لها
بنتك دايماً هتقلدك فلازم تركز في تصرفاتك وكلامك، ودايماً قول لها شكرا لما تعمل حاجة كويسة.

7 – اخرج معاها لوحدها
لما البنت تكبر شوية، اعمل لها يوم تخرج معاها فيه لوحدكم تتكلموا مع بعض فيه أو تقعد معاها في مطعم، وهي اللي تختار وجبتها المفضلة وممكن تفاجئها وتجبلها ورد.

8 - شبّعها
مادياً ومعنوياً، ولما ترفض لها طلب ما، لازم تشرح لها السبب بلغة تناسب عقلها، ومتتجاهلش حاجة عايزاها من غير ما تعرف أهميتها بالنسبة لها واحتياجها ليها.

9 - احضنها
دايماً لما تصحى من النوم ولما تيجي تنام، وهي مبسوطة وهي زعلانة، الحضن بيحسسها بالأمان والحب.