الأدب
ندمانين 'بالعامية المصرية'
ندمانين على أمان اديناه ومستحقهوش
ندمانين على عمر راح وسط بُحيرة أنين
ويبان علينا هَدِّيناه ومجرحناهوش
وقبِلنا نعيش ف جزيرة وحدانيين
وقلوبنا مِ إللي عشناه مَخَفُّوش
وروحنا سيبناها وتوهنا ف سنين
وجرجرنا كلامه فوعدناه وعيونَّا القسوة منسيوش
ندمانين عشان قرَّبناه فتركنا ف حِيرة عايشين
ندمانين ع إللي قدِّمناه والحنين
يا بحرنا ياللي مليناه دموع متروحلوش
يا موجنا ياللي صرخِتُه حزينة خلينا ساكتين
عِشرِتنا اتباعِت نهشونا الوحوش
ما عُدنا نآمن لمخلوق كلهم مُتَوَحِّشين
صابرين على غِلِّهُم والدم صَفِّيناه مَقَضَّاهوش
باقيِين نِنَوَّر شموع عروقنا المطفيين
عرفنا مكانه مش مكانَّا وعلينا محافظوش
خوفنا لَوِّن وشوشنا البهتانين
قابلين اتهامنا خَدعناه مفهِمناهوش
راضيين يقولوا إننا ظالمين
هيجيلنا يوم نفرح مَتصَدَّقُهُوش
حقنا إللي سيبناه لما كُنا تايهين
اتحكالنا عن خِسِّتْهُم قلنا متكدبوش
شوفنا صورتهم ضحكنا من جرأتهم كُنا غلبانين
وفهمنا إن عِشرتهُم كانت عِشرة تعابين
ندمانين.... ندمانين
