الأدب
باقولها
باقولها تاني وتالت
باقولها تاني وتالت
بلدنا مهما مالت
لايمكن يوم هتغرق
للهم ياما شالت
هتقولوا أزمة زيت
هتقولوا أزمة سكر
هتقولوا خرب البيت
باب مصر عمرة ما سكر
مفتوح لكل الناس
من كافة الاجناس
هي الأمان والأمن
مهما يقولوا خلاص
خلاص راحت عليها
وروحها مش ف اديها
فاضل عليها لحظة
ويموت كل اللي فيها
وخيرها يطلع برة
ولا يمكن تبقي حرة
والمستعمر يحدد
مصيرها بعد بكرة
ياخدها وضع يد
يتحكم فيها بجد
والشعب يبقي عبيد
ويبني مليون سد
عشان ماتروحش منه
وتبقي تحت أمره
هيضحي بأي حاجة
يطول بيها عمره
ف الأصل هو واهم
ولشعبنا مش فاهم
لو كترت الأزمات
كله بيجري يساهم
باقولها تاني وتالت
باقولها تاني وتالت
بلدنا مهما مالت
لايمكن يوم هتغرق
**********************
شاعر الوطن
آسر فاروق طرباي
