الأدب

مِشْ فاكراه

كتب في : الثلاثاء 27 إبريل 2021 - 8:10 مساءً بقلم : حنان العجمى
و سألوني إيه جَرَالُه؟؟
رَدِّيت
كان شايِف نفسُه جنة!
وعَنُّه أنا مِشْ هَستَغنَى !
قال الحياة حلوة معاه!
قال واتبَطَّرت على هواه!
قال رُوحتْ ودِنيِتِي ناقصاه!
ما أنا كُنت خانقاه!
و أَهُو راح لحالُه
ما هُو مَكُنتِش نصيبُه
ولا كُنت أخطُر لخيالُه
أصل النعمة دِي مِشْ لايقالُه
وأَهُو راح لحالُه
ولا لحظة حلوة فاكرالُه
كان ملاك وكُنت شيطانُه
مِ النار أنا خَرجالُه
مِشْ لايقالُه
وأَهُو راح لحالُه
دا نصيبي ومَكُنتِش قِسمِتُه
واتبطَّرت على هواه
حياتي عذاب وما عُدْتِش مناسباه
وسألوني إيه جَرالُه؟؟
رَدِّيت
راح خلاص و مِشْ فاكراه

بداية الصفحة