الأدب
إبنى راااااااااااااااااااااااح
يعنى إبنى ينام ف حضنى
فجأه أصحى يقولوا مات
صوت صراخه جوا ودنى
قال ياأمى القطر فات
فوق دماغى فات فرمنى
بعد صوته جه سكات
آه ياريتنى مت يابنى
ده انت فرحة عمر فات
قلبه حس بيَّا خدنى
باس إيديَّا من ساعات
عارفه إنُّه فوق شايفنى
راح وفات لى الذكريات
ضهرى بعدك يابنى محنى
نار فراقك للممات
مين يحوش الحزن عنى
مين ها يرجع بالساعات
واخده تانى جوا حضنى
وانسى كلمة... إبنى مات
*******************
بقلم
د.منال عفيفى
