الأدب
قواعد النجاح الستون ' سكتش مسرحي'
ارتدت أسوأ حُلَّة لديها، وخرجت عن طورها المعروف ثم اقتربت وفتحت الباب المغلق، وتوجهت نحوه
وبلغة عامية دارجة كي يفهمها جيدا قالت :-
مش هتكلم بالفصحى عشان عارفة استيعابك البطئ ... ملكش حجة هتفهم يعني هتفهم
عشان تنجح هعرفك قواعد النجاح الستون
اسمع أول قاعدة ......
شوف يا سنسون
المتعوس متعوس ولو علقوا على راسه فانوس
آه والله ... زي ما بقولك كده
وحالو يا حالو... خلص رمضان وفطروا وشبعوا
وحلوا بيك ..
وف الوبا روحت واللي كان كان وانتهى ..
والسيرك اتنصب والماسكات اتلبست واتخلعت
وكل شيء انكشف وبان
وظهرت على الحقيقة ونسانيسك الكرام
متبصليش كده ....وبلاش اللون ده معانا
أحسن تتعب ويانا
خلص الدلع ومش هتدلع ....
ودلوقت بجاز أسود لازم تولع
يا حفيظ دا شيء مخيف ....
هو انت مش متوقع؟؟؟
مش انت اللي طبخت الطبخة ؟؟
فلازم تدوق منها ....عشان الحُدق يعني وكده
لازم الأكل يطلع مظبوط
والسم يهري ومطرح ما يسري يمري
ركز معايا .... لِم نسانيسك الكرام ....
عشان الكرامة متتبعترش
وإن اعتدوا عليكم فاعتدوا عليهم بمثل ما اعتدوا عليكم .....احفظها كويس
معلش تعالى على نفسك شوية ....
عارفين انك بليد عربي وانجليزي
بتفهم لغة العقارب بس
المهم شيل التعابين والقرود بعيد....
لا سلام لا كلام لا مباركة
ولا حال هيتصلح ولا محلسة شيطان ...
ابعد عن العو .......عشان متندمش ....
أحسن تبقى بجلاجل ورقص بصاجات ...
ما احنا على إيدك اتعلمنا ...
آه والله فهمنا من اللي بيدبرولك
ولبسوك سلسلة وقرون ونفخوك لما فرقعوك
الله يرحمك ولو ان الرحمة متجوزش ع الشياطين ....
آااااااه معلش نسينا إن ميهمكش وانك آخد على الرقص بترقص ويترقصلك ...
يالا معلش مكانكوا في النار جنب أبو لهب محجوز
مع السلامة والقلب داعيلكوا... أقصد داعي عليكوا
بالشفا يالا ....
وآخر كلامي ..... ابعد يا شاطر عننا...
وهنعرف ناخد حقنا
فبلاش هيافة مراسيل وشغل عيال
وسدد دينك يا حياتي
وابقى اسمع عبد الحليم أنا لك على طوووووووول خلييييك ليا
خد عين مني ومشوفكش تطل عليا عشان الصداع بس ...
بااااي يا روح الروح من جوه كده .....
متنساش تشيل ودانك وعنيك ورجليك من هنا...
توجهت مرة أخرى نحو الباب وأغلقته في وجهه وخرجت لتستعيد نشاطها وتتنفس الصعداء !!!
