أخبار مصر
الرابعة على الثانوية: تنظيم الوقت سر النجاح.. وحلمي أكون طبيبة
حصدت الطالبة سما دندش على المركز الرابع على مستوى الجمهورية في الثانوية العامة 2025، بالشعبة العلمية (علوم)، وهي إحدى أبناء مركز قويسنا بمحافظة المنوفية.
وقالت سما: "مكنتش شايفة نفسي في أي حاجة غير النجاح، كل لحظة كنت بعيشها كأني في ماراثون، والتعب كان بيزيد كل ما قربت من خط النهاية، بس كنت دايمًا بقول: ربنا مش بيضيع مجهود حد".
وأكّدت أنها لم تكن من الطالبات اللاتي يقضين الوقت في الدروس الخصوصية طوال اليوم، بل كانت تعتمد على تنظيم الوقت والمذاكرة المركّزة، مضيفة: "أنا بحب أفهم أكتر من إني أحفظ.. وكنت لما أحس إني مش مركزة، أوقف فورًا وأرجع تاني أذاكر.. مش بالساعات الكتير، لكن بالمذاكرة الصح".
وتابعت سما: "حلمي هو دراسة الطب البشرى، وكل اللي يعرفني عارف إني شخصية هادية، بس جوايا نار بتشتعل علشان أوصل لحلمي"، موضحة أن دعوات والديها هما السبب بعد الله تعالى في نجاحها حيث كانا يوفران لها كل سبل الراحة والهدوء لتشجيعها على المذاكرة.
