الأدب
صعب جدا
لو تحس ف يوم وجودك
مش مفيد
وان يومك واللي قبله
هوه هوه مش جديد
وان حزنك مالي عمرك
كل لحظه شئ اكيد
وان فرحك غصب عنك
تبقى شايفه من بعيد
صعب جدا
اما تجبر قلب نفسك يبقى جنبك
واللي قربه جنبك منك يبقى عيد
صعب كونك رغم وسعه
يبقي في عيونك برااااحه خرم ابره
وان نهر النيل تحسه بق ميه
وانت فيه زي الغريق
والنفس لو حب يخرج بره منك
يلقى ضيق
صعب لما تشوف صحابك بعد عشرة
كل واحد له الطريق
والمحبه بينكوا ضاعت
واللي باقي خداع وزيف
والربيع اللي في حياتك
يتقلب فجأة لخريف
صعب جدا لما اخوك يسال عليك
لما حاله بيه يضيق
واما يتيسر بينسي انك انت
له رفيق
صعب جدا
لمايجي يوم ميلادك
والجميع تلقاه ناسيك
واما تلقى الكل باعك
واما يرموا اللوم عليك
صعب جدا واللي اصعب
ان قطر العمر يجري
جوا منه ناس بتفرح
وانت وحدك بس تحزن
صعب جدا صعب
جدا صعب جدا
شعر / سومه محمود
