الأدب
' مقسومه اتنين '
سألتني نفسي مالك شايله الهم ليه
ليه دايما حزينه ونسيه الفرح ليه
فين ضحكتك اللي كانت بترننن
ولا صوتك اللي من حنيته القلب يحن
غمضت عيني كتييير وسرحت
أصل.. زي ماجيت زي مارحت
قولتي بكره هيكون ليكي أجمل
بس اصبر علي الأااايام وأتحمل
لقيت نفسي في نفس الدائره
مش عارفه اطلع منها وحايره
فضلت أدور عليكي وسط الناس
واشرب العذاب منهم كاس ورا كاس
كنت خايفه تضيعي في يوم مني
انتي الروح نفسي والعين والنني
تفتكري بس مين فينا الغلطان
والكل من التاني زعلان غضبان
نفسي الاقيكيي أو حتي تلاقيني
تمسكي ايدي ومني تخديني
انا من غيرك صدقيني تعبت
من حزن الأيام والله شبت
انا من غيره مقسومه اتنين
وحيده نص معايا والتاني فين
هاتي ايدك تعالي تاني نتصالح
وتنسي جرحك وجرح امبارح
يمكن الشمس لينا من تاني تنور
وفي وسط المطر معاكي أتصور
اصل فيه رب اسمه الكريم
يعطي كل طيب قلبه سليم
مش هيحملنا فوق طاقتنا
ولا هيزلنا وقت حاجتنا
ربك ..حنين أوي صدقيني
زي مابعندا بيكي هيهديني
___________________
