التعليم مش مدرسه ومدرس وخلاص التعليم أدب والأدب مش موجود كتير بين الناس أنا ممكن أعلم ممكن أعلم الناس أي حاجة معاد الجدعنه والإحساس والأصول والذوق ديه حاجه بتكون موجوده في الدم وماينفعش فيها تعليم ولاينفع ينفع أعلم حد يكون جدع وأبن أصول كمان أو أعلمه يكون عنده دم وإحساس وعلي فكرة ياصغيرتي كلنا ولاد ناس بس مش كلنا ولاد أصول اوعي تقبلي إن حد يستقل بيكي أولا يحترمك إنك تسامحي دي حاجه،وإنك توافقي علي قله القيمة دي حاجه تانيه خالص..... أللي مابيحترمكيش وأكتشف أنك راضيه وموافقة هيكرر عدم إحترامه ليكي، وهيزيد فيها، وعمره ما هيقدرك...... هيستغل تسامحك وطيبه قلبك، وهيضاعف من إنه يستقل بيكي علي فكرة كرامه الناس مش لعبة إنتي غاليه وابني غالي واللي ما يعرفش قيمتك عنده في قلبك، اكيد مالوش في حساباتك مكان... استني واعرفي مش علشان جيتي علئ نفسك وسامحتي لما غلطوا مره ...واتعلمتي أنك ماتسبيش حد في وقت الشدة والضيق وتعلمتي تيجي علئ نفسك علشان تبسطي إلي امامك رغم إنك ماتعرفهوش و تعبتي من ناس معندهاش ذوق ودم وتعلمتي تقولي شكرا ومرسي علشان تبسطي إلي قدامك رغم تافهته.... ولاد الأصول كنز وأحنا أحلي الكنوز .. طبعا هانحب الناس لأن دي أخلاق ولاد الأصول بس خدي موقف راقي!!!! اوعي تكوني" رخيصة"عند حد مهما كان وأكبر عقاب للي مش مقدارك أنك تستغني عنه!! وتعالي اقولك كلمتين لكي ولكل الناس رب الناس هو الأساس والكبير كبير مش بالسن لكن بالأعمال والحمد لله إحنا بنعزم اكتر ما نتعزم عند الناس والكبير من يجبر بخاطر الناس من غير ما يكون عنده نفاق ورياء . وربنا يبعد عنا كل شر النفوس المريضة وكفايه علينا حب الناس أصل إلي حبه ربه حبب فيه كل الناس وخاليكي فاكره أن أصل الناس ذهب ونحاس وفي حيتنا ناس وناس ا الحياه بتتغير وفي حياتك ناس هاتسيبك من غير أسباب اعرفي إن ربنا بيحبك علشان بعد عنك شر الناس وفوضى أمرك لله واعملي حدود. في التعامل مع الناس والحدود حلوه علشان العشم بيقتل قلوب كانت فاكره أنها ملك ناس وخالي قلبك مع الله ورضاه هو الأساس والمثل الجميل بيقول إيه إلي حبه ربه حبه كل الناس وأرجع واقولك خالي قلبك دهب مش نحاس