أخبار عاجلة
الرئيس يبدي إعجابه بإنشاء «تكسيات الخرسانة» لمواجهة الانهيارات رغم تكلفتها العالية
قال الرئيس عبدالفتاح السيسي، إن الدولة حررت وسهلت الحركة في شرق القاهرة، ثم انتقلنا لرمسيس وباب الخلق وشبرا الخيمة، وقولنا هنحاول نيسر الحركة في القاهرة شرق وغرب، اللي هو بنعمله دلوقتي في الهرم والجيزة والشيخ زايد.
جاء ذلك خلال تفقد الرئيس السيسي، للأعمال الإنشائية لتطوير عدد من الطرق والمحاور بالقاهرة الكبري.
وتابع الرئيس: بنعمل كده عشان حجم الحركة داخل الكتلة السكانية الضخمة، بحيث اللي يخرج يخرج بسرعة يخفف الضغط على المنطقة السكنية مع الوضع في الاعتبار أن إحنا مش ساكتين.
ولفت الرئيس: إلى ما يحدث في شارع 9 بالمقطم، قائلًا: أنا عارف أنو صعب أن إحنا نشيل حاجه فيه، ولكن على الأقل نحسن المساحة فيه، ثم بعد كدة لما نخلص محور ياسر رزق والكورنيش، وبالمناسبة أنا سعيد جدا أن أنتوا بتعملوا تكسيات الخرسانة دي عشان الانهيارات بعد كده رغم إن دي تكاليف كبيرة جدًا.
وأكمل الرئيس: أي حاجة بنعملها هنا بنعملها على أعلى مستوى، عشان في النهاية، نخفف آثار التلوث، والدولة اشتغلت في المشاريع دي من بدري قوي، ومئات الكباري والطرق اللي بتتعمل في كل حتة في القاهرة عشان نخفف الزحام بتاع الـ 20 مليون بالمنطقة.
