كتاب وآراء
عبقرية المصري
ما شاء الله ....
المصريين كلهم بقوا خبراء إقتصاديين وبيفهموا في تعويم الجنيه وتطيير الدولار !
- طبق الأصل زي ما هما كانوا خبراء طيران لما الطياره الروسيه وقعت
- طبق الأصل زي ما هما كانوا خبراء في الخطف لما المعتوه المصري اختطف طائرة - - مصرية من مطار برج العرب والتوجه بها إلى قبرص
- طبق الأصل زي ما هما كانوا خبراء في في القتل في عملية قتل الإيطالي ريجييني
- طبق الأصل زي ما هما خبراء في السياحه ومشاكلها
- طبق الأصل زي ما هما خبراء طبعاً في الرياضه والكوره بالتحديد والتحكيم
- طبق الأصل زي ما هما خبراء في التعليم ومصايبه وطرق اصلاحه ... تلاقي طالب ثانوية عامة طالع ف التليفزيون ولا جرنال يقولك انا اكتشفت 27 خطاء ف النظرية النسبية !
يجي طالب تاني ف حته تاني ويمكن يكون صاحبه كمان يقولك :
عليا الطلاق دول 486 خطا !
يجي واحد تالت بقا اللي يقش يقولك :
عليا ب 2846 خطأ !
بس ياسيدى واللآخر المزاد بيخلص علي 40000 خطا !
- طبق الأصل زي ما هما خبراء في الصحه وكوارثها وطرق العلاج
- طبق الأصل زي ما هما خبراء في الطاقه النوويه لما مصر عملت اتفاق مع روسيا ،
ويطلعلك واحد في الفضائيات يفتي بقوله : مش المشكلة ف انشاء المحطة النوويه !
أومال المشكله فين يابرنس ؟
بل الازمة في صيانتها وكذلك وعي مسئوليك وشعبك في التعامل مع اي تسريب او أي مشكله تحصل !!! اصلنا هنشغلها بميه البطيخ يابرنس !
لاتقولى يابان ولا ترتان المصرى هيعمل كل شى ان كان !
للتواصل مع الكاتب : [email protected]
