تعلمت إن أترك أي حاجة لا تعطينى قيمتي، حتى لو كنت بحبها، حتى لو كانت روحي متعلقة بيها لدرجة الوجع. لأن التعلّق من غير تقدير… بيموتك بالبطيء. في وقت من الأوقات كنت بفتكر إن اللي بيحب فعلاً لازم يفضل، لازم يستحمل، ولازم يدي فرصة ورا التانية. بس الحقيقة إنك لما تفضل في مكان مافيهوش احترام ولا تقدير، انت مش بتثبت إنك مخلص… انت بتظلم نفسك. مفيش حاجة تستحقك لو كل اللي فيها وجع، ولا في حد يستحق وجودك لو شايفك عادي. القيمة مش في إنك تفضل، القيمة في إنك تعرف إمتى تمشي، وإمتى توقف العطاء اللي بيرجعلك وجع بدل راحة. اتعلمت إن الفُراق أوقات بيكون خلاص مش قرار، بيكون إنقاذ لنفسك من إنك تذوب أكتر، بيكون لحظة وعي… لما تكتشف إن اللي قدامك مش شايف قيمتك، وانت طول الوقت كنت بتدي عشان يلاحظ، بس هو عمره ما لاحظ. فيه ناس وجودهم في حياتك بيقلل منك، وبيخليك تشك في نفسك، وبيخليك تسأل: "يمكن أنا السبب؟" بس الحقيقة لأ… انت مش السبب، انت بس كنت في المكان الغلط، مع الناس الغلط، اللي معرفوش قيمتك. فـ آه، يمكن روحي لسه متعلقة، بس عقلي خلاص فاق، وعرفت إن اللي ما يقدّركش، ما يستحقش حتى تبص وراه. اتعلمت إن البُعد مش ضعف، ده احترام لنفسي، وكرامة لمشاعري، وحماية لقلبي من وجع تاني. ساعات الفراق بيكون مؤلم… بس أرحم بكتير من البقاء وسط ناس مش شايفين قيمتك. وساعتها، بيبقى الفُراق مش نهاية… ده بداية جديدة ليك، مع نفسك، ومع اللي فعلاً هيعرفوا يقدّروك. وانتوا كمان تقدروا تعملوا بداية جديدة ولا !!!!¡!!