- في ناس هتتحاسب على أعمار الناس إللي ضيّعوها هَدَر -وفى ناس هتتحاسب على كم الثقة والعَشم إللي رموها أصحابها عندهم وسابوهم في الآخر موجوعين وتايهين ومكسورين .... -

في ناس هتتحاسب على شهامة الناس معاهم وليهم وجدعنتهم وتضحياتهم إللي هما مقدّروهاش ولا حتى اعترفوا بيها - في ناس هيحاسبهم ربنا على الذكريات الحلوة اللي اتزرعت جوّا عقول اللي حبّوهم وختموها بنهايات توجع قلوبهم وبدّلوا الذكريات الحلوة بصدمات وفواجع ......يفضلوا فاكرينها طول حياتهم ... - في ناس هتتحاسب على كل روح سابوها مُعلَّقة مُشتتّة بدون مُستَقرّ وقرار يريّح فِكرهم واستخسروا فيهم شعور الرّاحة او إنهم يتسابوا على الأقل راضيين متطمنين .... - كل واحد هيتحاسب بفواتير كتيرة جداً ما دفعهاش غير من عُمر غيره،وكمان ما كلّفش نفسه عناء الوقوف في الطابور .... وشيّل غيره ذنب الحُطام بالكامل ..... - كل واحد هيتحاسب على كل قلب سابه مهزوم مُقيم في دوامة( الاحتياج والتعب).. -كل واحد هيتحاسب على كل روح سابها تعيش أصعب إحساس وهو( يُتم المشاعر)وهي في بداية ربيع العُمر شابت وشالت هموم اكبر من عُمرها بسبب انانيته ... - الفواتير هتخلص وهتدفع والحساب هيخلص في الدنيا قبل الآخرة فَـ قبل ما تسيب وتدبح وتظلم ...استنى العدالة ونفس المشهد بالنسبة لك هيحصل ... هي مسألة وقت مش أكتر ....... وخالينا فاكرين...... أن الحياة تدور ودوام الحال من المحال ولا ،،،،ايه