الأدب

' رأس البر '

كتب في : الخميس 11 مايو 2023 - 1:21 صباحاً بقلم : عصام عبد العزيز

 

خطرت ببالي قصيدة شعر

لكن والله مانا عارف

هاكتبها ف يوم ولا ف شهر

أنا بدعيكوا لرأس البر

مدينة سحر وبحر وبر

لأ جزيرة بين بحر ونهر

تدخلها تلاقي عالجنبين

اشجار وورود وزهر

وكازينوهات النيل عاليمين

قعدات صفر وخضر وحمر

الله عليكي ياراس البر

لما يجي الصيف والحر

.... فى رأس البر....

روح البحر من الصبحية

فى طلوع الشمس الدهبية

وخد كراسيك والشمسية

واتمتع بالهوا والمية

ولاالعب طاولة أو كورة

أو أوم روح خدلك صورة

مع الولاد والغندورة

تبقي ذكرة لراس البر

الله عليكي ياراس البر

لما يجي الصيف والحر

.... فى رأس البر....

روح بالليل عاالمشاية

هتشوف هناك ألف حكاية

ناس كتير رايحين جايين

ومحلات كدا عالصفين

فاتحين لحد الفجرية

يسلام عالليلة القمرية

والف سلام عاللسان

وهدوء انوار المكان

ومن هنا تبقي النهاية

وبعد اللسان بحر ونهر

سبحانه خالق الإنسان

وخالق الكون والكيان

الله عليكي ياراس البر

لما يجي الصيف والحر

.... في راس البر....

#عصام

بداية الصفحة