الأدب
كلمات لروح الشهيد 'مصطفى عبيد'
عليك سلام الله يا شهيد
يااللي في جنة الخلد وليد
يااللي إتكتبلك بالشهادة عمر جديد
كل أبواب الجنة اتفتحت تستقبلك وكأنه عيد
ريحة دمك الطاهرة
عارفة طريقها ومسافرة
لجدر شجرة في بطن صخرة
طرحت أغصان حرية وألف زهرة
مين اللي قال انك بعيد
ده انت جوة قلوبنا نبض بالحب يزيد
ياللي من ضحكة عيونك وقت الشهادة
اتولد فجر الكرامة من جديد
أدي أمك صوتك جوه منها بتسمعه
لما كنت دايما بتناديها .. يا ام الشهيد
متبكيش يامه وزغرتي
يوم ما يقولوك ان ابنك مات شهيد
اوعي في لحظة تحزني
ده شهيد الوطن عمره في الجنه مديد
وعليك سلام الله يا شهيد
******
تهانى فؤاد
