الأدب
رسالة للرسول
رسالة للرسول
*******
حد مره سألنى لو عندك رساله للرسول
عايزه توصليها له هتقولى ايه فيها:
هاقول له تعبنا يارسولنا
هاقول له امتى هتزورنا
هاقول له تعبنا رسينا
ياسيدنا الغالى يانبينا
هاقول له الكدب بقى عادى
وعادى يخونوا ويبيعوا
فى ناس قاسيين ومن دمى
وناس م الحب بيضيعوا
كتير بيزيدوا من همى
ولا عارفه اقول ابعد
وبكسب من دعاا امى
واقول هاقطع واتردد
سامحنى يارسول الله
حياتى بجد ألمانى
لاشوفت فيها عز وجاه
ولا عارفه مين الجانى
وببكى بروحى من جوه
واصبر نفسى بصلاتك
بذكر الله وباتَقوى
واحلى معانى بصفاتك
صحيح الدنيا قلابه
قلوب زايفه لبواقي وشوش
تحس كأننا فى غابه
بشر خداع وفعل وحوش
فين الرحمه فين الطيبه
وفين الحب والفرحه
حقيقى الدنيا دى عجيبه
جناين شرهم طارحه
وأنادى بصدق يارسولنا
ياريتنى كنت فى زمانك
لو الاحلام هتقتلنا
أبيع الدنيا علشانك
كتير بقرأ فى احاديثك
والاقى الروح بتسألنى
ونفسى فى نقطه من غيثك
بصدق الروح تصبرنى
نور الجنه درويش
والحمدلله وصلنى الرد
